afrikaanse kers | vonkelwyn

die skink van vonkelwyn gaan altyd hand-aan-hand met vrolikheid en feesvieringe, en word gewoonlik voorafgegaan met die ophou van asems, toedruk van ore en skrefiesoë wat smekend wens dat die stywe kurk homself vinniger uit die wande van die lang glas nekkie wil wriemel!  en dan wanneer die halstarrige proppie in die naaste bos of plafon induik, tintel jou neus van die reuk ontploffing wat elke barsende babbeltjie die lug inskiet!

hierdie reuk is vars en vrugtig en sal jou terugneem na 'n sonsondergang langs die see, waar 'n glasie vonkelwyn die oomblik vervolmaak!

produk informasie

• 300ml sojawas in wit "frosted" glas houer met 'n bamboes deksel wat seel om jou kerswas skoon en vars te hou

• brandtyd - ongeveer 50 hemelse ure 

• met trots handgemaak in bloemfontein

trots suid-afrikaans | handgemaak | 100% sojawas | klein hoeveelhede | eienaar bedryf | handgemerk en verpak