afrikaanse kers | melkskommel

die week was goor. die een toets na die ander, twee keer my afrikaanse handboek by die huis vergeet en ek kon dit nie regkry om my gunsteling liedjie te tape sonder dat die dj se stem dit onderbreek nie. ek lê poegaai op my bed en tel al die plekkies op die muur waar daar stukkies wondergom vassit. ma roep iets. ek het nie krag om te luister nie . iemand klop aan my deur. “is jy lus om spur toe te gaan vir aandete?” 20 minute later sit ek en my drie sussies op een leerbank in ‘n ry met reuse hout spyskaarte. “ma, kan ek ‘n raspberry milkshake kry? “ “extra dik?” almal behalwe my klein sussie knik gretig en bestel dieselfde. die kelner wag geduldig vir haar om te sê wat sy wil hê. ek begin skop in die rigting van haar maer merrie…”bestel net iets “, fluister ek deur geknersde tande. ek proe die dik roomys, grawe in my gedagtes al die laaste sjokolade sous uit met die lang silwer lepel. na wat voel soos ure piep sy uiteindelik met ‘n groot treiter glimlag “mamma my maag pyn".